Skip to Main Content View Text-Only

The City of Portland, Oregon

Portland Water Bureau

From forest to faucet, we deliver the best drinking water in the world.

Customer Service: 503-823-7770

GENERAL INFORMATION: 503-823-7404

More Contact Info

Auchean poraus won Lead non nenien fetanin konik me konikin uun neiimw (Chuukese)

Auchean poraus won Lead non nenien fetanin konik me konikin uun neiimw

Mecheresin Angangen Ekisaano Feiengawen Kanengeni Lead

Met mi auchea omw kopwe sinei

Neni e kaor konikin un non Portland mi tori ika fen napeseni ekkewe keuk ren nimech Kich mi kinisou pokiten lead ese kon pwappwa non konik mi feito seni ekkewe nenien kaoren konik. Inaa mwo, nge ekkoch iimw mi tongeni an epwe wor lead non ar konik ren an onongonong won nikinikin paippen kusun ar konik.

Auchean poraus won lead non konikin uun

Ewe Putain Pekin Konik an Portland a kuna napenoon lead non konikin uun non ekkoch iimw. Lead mi tongeni epwe efisata osukosuken watten semmwen, akkaewin ngeni mi pwopwo me semirit. Kose mochen kopwe anneaechu ei poraus ren omw kopwe sinei met en mi tongeni feeri omw kopwe ekisaano lead non unumom konik.

Feiengawen lead

Lead mi tongeni epwe efisata osukosuken watten semmwen ika pwe a kon watte mi tonong non inisum seni unumom konik me pwan ekkoch mettoch me wor lead non. Mi tongeni an epwe efisata osukosuken tupwu me kitni, me pwan osukosuka feerutaan ekkewe red blood cells ekkewe re awora oxygen ngeni kinikinin unusen inisich. Watten efeiengawen an wor lead ngeni menukon, kukkun semirit, me mi pwopwo. Sou sinenap (ika scientists) ra kuna pwe efeiengawen lead mi akukkunaano tufichin sine ren semirit. Ekkewe mi mwuk mi wor ar osukosuken kitni me cha feita ir mi tongeni wor ar osukosuk ren chok mwo ekis lead nap seni ekkewe mi mwuk ese wor ar semmwen. Lead e kan tonong a nomw non chuu, iwe mi tongeni an epwe pwau murin fite ier. Nupwen pwopwo, ewe menukon non nuken ewe inenap epwe tongeni angei lead seni non chuun ewe inenap, minne epwe tongeni angawa tupwuan.

Ia lead a feito me ia

Lead mi wor non sakkopaaten neni ika pisek. Ina mwo ika lead ese sou pwa non ach konik me  ese pwa pwe mi wor lead non ekkewe nenien fetanin konik , lead mi chok chiwen tongeni wor non neimw. Non Portland, lead e tonong non konik uun seni piipiin minen nomwun paipen konik mi wor lead non. Ekkei piipi mi pachenong ekkewe piipiin iosechun an kapach fengen ekkewe paip e feer seni kapa (copper) - napengeni mi wor non  ekkewe iimw re keu ika feer paiper non 1970 ngeni 1985 - me piipiin piraas (brass) me nenien kusun konik. Lead non paipen konikin non imw mi tongeni an epwe marono non en konikin uun nupwen en konik a nomw non ew paip non fitu awa, ren nepwin ika nupwen niwiniti immw seni angang ika sukun.

Non Porland, watten feiengawen lead e feito seni peinitin imw wor lead non, piipiin non iimw, pwun, me ekkewe nenien fetanin konik. Lead mi pwan tongeni pwa non ekkoch mettoch ren toys, ekkewe minen makeup me ekkewe mettoch e feer seni pottery.

Mechersin angangen ekisaano feiengawen lead non unumom konik:

  1. Okusu konik an epwe nimetau lead Ika ese mwo piin kus konik non fitu awa, akkoum okusu konik non ukuukun 30 seken ngeni 2 minich ika tori an a pateno me mwen omw kopw un ika aea ne kuk.
  2. Kopwe aea konik mi pat mi minafe ne kuk me fer unumen menukon titi.  kesapw aea minen kuk me un konik seni ewe nenien kusun konik mi pwichikar; lead ekan mecheres an nomw non konik mi pwichikar. Kesapw aea konik seni nenien kusun konik mi pwichikar ne fer unumen menukon titi.
  3. Kesapw chenupwichi konik omw kopwe minaau lead me non.  Chenupwichi konik ese minaau en lead.
  4. Ekieki omw kopwe aea romorom (ika filter). Cheki ika mi ekisaano lead - ekkoch filter rese ekisaano. Chemeni kopwe tumunu me sissiwini omw filter ussun met me eureur seni chon feeri ren omw kopwe anisi tumunun unumom konik. Keeri ika poraus ngeni NSF International won 800-NSF-8010 ika nsf.org ren porausen eureur won filter ika romoromen konik.
  5. Cheki noumw semirit ika menukon ren lead. Eisini noumw tokter ika keeri ewe Nampaan Pekin Lead omw kopwe eis ifa ussun an noum epwe chek ren lead. Keukun lead non cha ina chok ew anen an epwe chek ika mi wor feiengawen lead non noumw iwe.
  6. Cheki konikin uun ren lead. Keeri ika poraus ngeni ewe nampaan Pekin Lead won leadline.org ika 503-988-4000 omw kpwe eis ifa ussun omw kopwe angei ESE KAME chekin lead non konik.
  7. Sou nimeti mesen omw iwe nenien kusun konik.  Piipii mi wor lead non seni minen iosechun kapach fengenin paip ika nenien fetanin konik non imw mi tongeni mwech non mesen ewe nenien kusun konik. Ika ke sou nimeti iteitien murin fitu maram epwe nimetaano ekkei piipii pwan ekisaano feiengawen lead.
  8. Ekieki omw kopwe kame pisek mi kukkun lead non.  Seni ewe ier 2014, meinisin paip, me kinikinin me pisekin fetanin konik repwe kukkun seni 0.25% lead non. Nupwen kame minafeen ekkei sakkun pisek, Mi auchea an chon kame repwe kut ekkewe mi kukkun lead non.

Anisi epeti tumunun nonnomum aramas seni feiengaw

Ewe Putain Pekin Konik an Portland:

  • E ekisaano piipiin lead non nenien fetanin konik ren awatenoi ewe keukun pH non ewe konik. Ei keukun pH mi ekisaano lead non konik mi kus non ukuukun nesopw. An epwe sopweeno ne ekukkunaano lead non konik, Portland a poputani ew angangen pekin eochueno nimeochun paipen konik. Ekkei kokkot epwe poputa angangan esapw mang seni Srping 2022.
  • E nimetaanoekkewe piipii lead a feito seni. Meinisin minen lead re komorono seni ifa ussun me mwan non ewe 1998.
  • E swini watte, minen euku (ika meters) ukuukun lead non kaoren konik ngeni ekkewe mi mecheres an epwe wor rer ei osukosuk. A ukuukun engon ier an ekkei meter ese chiwen wor lead non.

Met epwe anisuk an epwe kukkununo efeiengaw

Soposopun ewe angangen ekukkunaano ukuukun lead non konikin un, ewe Putain Pekin Konik an Portland (ika Portland Water Bureau), ren LeadLine, mi anisi ekkewe prokram ren an epwe kukkununo an aramas epwe tongeni torir lead:

  • Pekin kaeo (ika workshop) ren eppetin feiengawen poison sen lead
  • Prokramin ekisaano feiengaw non imw mi mecheres feiengaw non
  • Chekin cha ren lead an semirit ESE KAME
  • Pisekin chek ren lead ngeni ie repwe aea ESE KAME

Poraus ngeni ewe LeadLine: leadline.org or 503-988-4000.

Ren tichikin poraus, keeri kich won 503-823-7525, ika teeta won kampiuter ren ach ina website portlandoregon.gov/water. Ren tichikin poraus ren ifa ussun an epwe kukkuno lead neimw/non imw me semmwen mi feito seni lead, teeta won kampiuter ren an EPA ina website epa.gov/lead ika keeri noumw chon anisuk ren pekin semmwen (ika health care provider).

Please contact us for translation or interpretation, or for accommodations for people with disabilities.

More Information · Más información · Дополнительная информация · Thêm thông tin · 欲了解更多信息 · Mai multe informații · Macluumaad dheeri ah · Подробиці · Tichikin Poraus · अधिक सूचना

portlandoregon.gov/water/leadbrochure  

Nampaan Fon Ren Konik an ewe Putain Pekin Konik an Portland: 503-823-7525

Pekin Anisi Aramas (Customer Service): 503-823-7770

ika aea an Oregon iwe Relay Service:711.

02/2020